काठमाडाैं । नेपाली कांग्रेसका सांसद डा. सुनीलकुमार शर्माको निःशुल्क स्वास्थ्य शिविरबाट काभ्रेपलाञ्चोकको पाँचखालमा ४ सय ९६ जना लाभान्वित भएका छन् । काठमाडौँ मेडिकल कलेजका स्वास्थ्यकर्मी सम्मिलित निःशुल्क स्वास्थ्य शिविरबाट काभ्रेपलाञ्चोकको पाँचखालमा सर्वसाधारण लाभान्वित भएका हुन् । 

पाँचखाल नगरपालिका र लायन्स इन्टरनेशनलको आयोजनामा भुवनेश्वरी आवासीय विद्यालयमा भएको स्वास्थ्य शिविरमा ४ सय ९६ जनाको स्वास्थ्य परीक्षण गरिँदा ९६ जनाको ल्याब परीक्षण, ८६ जनाको भिडियो एक्सरे, ६७ जनाको ईसीजी गरिएको  केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिनुभयाे । 

शिविरमा २८ जनाको दाँत खोलिएको थियो भने १८ जनालाई थप उपचारका लागि केएमसी रेफर गरिएको छ । सांसद शर्माले जनतालाइ सर्वसुलभ रूपमा स्वास्थ्य सेवा पुर्याउने अभिप्रायले निःशुल्क स्वास्थ्य शिविर चलाउँदै आइरहनु भएकाे छ ।

माेरङ क्षेत्र नं. ३ का सांसद डा. शर्माले केएमसीसँगै नाेवेल शिक्षण अस्पतालसँगकाे सहकार्यमा सञ्चालन गर्नु भएकाे निःशुल्क स्वास्थ्य शिविरबाट गरिब, विपन्न, अशक्त, असहाय तथा दूरदराजमा रहेका नागरिक लाभान्वित भइरहेका छन् ।