विराटनगर । विराटनगर-४, कन्चनबारीस्थित नोबेल शिक्षण अस्पतालले जन्मजात कान सुन्न नसक्ने वालकहरूको सफलतापुर्वक कोक्लियर इम्प्लाण्ट शल्यक्रिया गरी सुन्न सक्ने बनाएको  छ ।

काठमाडौं बाहिर नेपाल मै पहिलो पटक जन्मजात कान सुन्न नसक्ने वालकहरूको सफलतापुर्वक कोक्लियर इम्प्लाण्ट शल्यक्रिया गरी सुन्न सक्ने बनाएको नाेबेल शिक्षण अस्पतालले पत्रकार सम्मेलन गरी जानकारी दिइएकाे हाे । डा. शंकरप्रसाद साह नेतृत्वको टोलीबाट हालसालै सफलतापुर्वक सम्पन्न कोक्लियर इम्प्लाण्ट शल्यक्रिया पछि ती बालकहरूले श्रवण शक्ति प्राप्त गरेकोमा सवैले खुशी व्यक्त गरे । 

सो क्रममा पत्रकार तथा अन्य उपस्थितहरूको जिज्ञासाहरूको डा. मीनाक्षी बस्नेत, डा. शंकरप्रसाद साह तथा अस्पताल निर्देशक प्रा. डा. राजेश नेपालबाट प्रष्ट पारिएको थियो । कार्यक्रममा सफल कोक्लियर इम्प्लान्ट शल्यक्रियापश्चात् सामान्य जीवनमा फर्किएका बालबालिका र उनीहरूका परिवारजनले आफ्ना अनुभवहरू सुनाएका थिए। परिवारजनले आफ्ना सन्तानले सुन्न र बोल्न थालेपछि जीवनमा आएको परिवर्तनप्रति खुसी व्यक्त गरे।

कोक्लियर इम्प्लान्टको प्रक्रिया, यसको फाइदा र नेपालमा यसको उपलब्धताका बारेमा विस्तृत जानकारी दिइएको थियो । साथै सुन्ने समस्या भएका बालबालिकालाई समयमै उपचार गराउनु पर्नेमा जोड दिइएको थियो ।

पत्रकार सम्मेलनमा नोबेलका सञ्चालक समितिका सल्लाहकार सोइना शर्मा, अस्पताल निर्देशक प्रा. डा. राजेश नेपाल, नाक कान घाँटी रोग विभागकी प्रमुख डा. मीनाक्षी बस्नेत र  नाक कान घाँटी विशेषज्ञ डा. शंकरप्रसाद साहको उपस्थिति रहेको पत्रकार सम्मेलनको सहजिकरण अस्पताल महाप्रबन्धक दीपेश राईले गर्नु भएको थियो ।