काठमाडौं । चाँगुनारायण स्थित नेपाल इन्जिनियरिङ कलेज (नेक)मा सामुहिक ध्यानको आयोजना गरिएको छ । कलेजले विद्यार्थी, शिक्षक शिक्षिका तथा कर्मचारीहरुको शारिरीक तन्दुरुस्ती तथा मानसिक शान्ति, एकाग्रताका लागि ध्यानको आयोजना गरिएको हो । 

विश्व ध्यान दिवसको अवसरमा आयोजित ध्यानमा कलेजका प्राचार्य दुर्गा प्रसाद भण्डारी लगायत विभिन्न संकायका शिक्षक, कर्मचारी र विद्यार्थीहरुले उत्साहजनक सहभागीता जनाएको कलेजले जनाएको छ । ध्यान कार्यक्रममा सहभागीहरुलाई आर्ट अफ लिभिङका सञ्जय महर्जन र कुशल गिरीले ध्यानको महत्व, उपादेयतासँगै ध्यान कसरी गर्ने बारे सहजीकरण गरेका थिए । ध्यानमा सहभागी विद्यार्थी, शिक्षक शिक्षिका तथा कर्मचारीहरुले ध्यानले शारिरीक, मानसिक रुपमा आराम मिल्नुका साथै उर्जा प्राप्त गरेको बताए । 

मुनाफारहित सामाजिक शैक्षिक संस्थाका रुपमा स्थापित यस कलेजले विद्यार्थी शिक्षक शिक्षिका र कर्मचारीहरुको वृहत्तर हीत र विकासमा यस्ता कृयाकलापहरु गर्दै आइरहेको छ । पोखरा विश्वविद्यालयद्वारा सम्बन्धन प्राप्त यस कलेजमा इन्जिनियरिङ विधामा स्नातक तथा स्नातकोत्तर तहमा अध्ययन अध्यापन हुने गरेको छ ।