दुहवी, २९, कार्तिक । भोली बुधबार नेकपा (एमाले) का अध्यक्ष केपी शर्मा ओलीले सुनसरीका दुईवटा सभालाई सम्वोधन गर्ने कार्यक्रम रहेको छ । नेकपा एमाले सुनसरी क्षेत्र नं. ३ र ४ ले आयोजना गर्ने कार्यक्रममा पूर्वप्रधानमन्त्री समेत रहेका ओलीले चुनाबी संवोधन गर्ने कार्यक्रम रहेको छ ।

बिहान १० बजे सुनसरीको दुहवीमा आयोजित विशाल जनसभामा ओलीसँगै चुनाबी गठबन्धनमा रहेको जनता समाजवादी पार्टीका केन्द्रीय अध्यक्ष उपेन्द्र यादव समेत सहभागी हुनेछन् । ओली सोहि दिन दिउसो १ बजे सुनसरीको लौकहीमा हुने सभामा पनि सहभागी हुनेछन् ।

दुहवीमा हजारौंको सहभागितामा जनसभा हुने एमाले केन्द्रीय सदस्य तथा प्रतिनिधिसभा सदस्य उम्मेदवार भगवती चौधरीले जानकारी दिइन् । जनसभामा सहभागी हुन एमाले ३ नं. निर्वाचन परिचालन कमिटीले अनुरोध गरेको छ ।

सुनसरी क्षेत्र नं. ३ बाट प्रतिनिधिसभा तर्फ भगबती चौधरी, प्रदेशसभा १ तर्फ रोहित बहादुर कार्की तथा प्रदेश सभा ख तर्फ रामदेव यादव रहेका छन् ।