काठमाडाैं । स्वास्थ्य तथा जनसंख्या मन्त्री विरोध खतिवडाविरुद्ध अख्तियार दुरुपयोग अनुसन्धान आयोगमा उजुरी परेकाे छ । स्वास्थ्यमन्त्री खतिवडाले २४ लाख डोज भ्याक्सिन गायब गरेको भन्दै मंगलबार नेकपा एमालेको भातृसंस्था राष्ट्रिय युवा संघ नेपालले अख्तियारमा उजुरी दर्ता गराएकाे हाे ।

कोरोना महाहारीको जोखिम बढिरहेका बेला सर्वसाधारणको पहुँचमा पुर्‍याउनुपर्ने खोप गायब गरेको भन्दै छानबिन मागसहित उजुरी गरिएकाे संघका संयोजक किरण पौडेलले बताए ।

संघका सह–संयाेजक संजिव कुमार सुरज झाद्वारा दिइएकाे उजुरीमा विराेध खतिवडा मन्त्री भइसकेपछि २४ लाख डाे खाेप हिनामिना गरी करिब २ अर्ब ४० कराेड राज्य काेष हिनामिना गरेकाे दावी गरिएकाे छ ।