२२ असार २०८३, सोमवार
२२ असार २०८३, सोमवार
एमाले सचिवालय बैठक आज बस्दै, निर्वाचन केन्द्रीत एजेण्डा
एक्सन खबर
काठमाडौं । नेकपा एमालेको सचिवालय बैठक आज बस्दै छ । अध्यक्ष केपी शर्मा ओलीको निवास बालकोटमा दिउँसो ३ बजे बैठक बस्ने भएको हो । बैठकमा केन्द्रीय कमिटी र पोलिटब्युरो बैठकको मिति र एजेण्डा तय गर्नेबारे छलफल हुने पार्टी उपाध्यक्ष युवराज ज्ञवालीले जानकारी दिए ।
दुबै बैठक स्थानीय तह निर्वाचन केन्द्रित विषयमा छलफल गर्न बोलाउन लागिएको उनले जानकारी दिए । स्थानीय निर्वाचन आउन मुस्किलले दुई महिना बाँकी छ ।
निर्वाचन अभियान आक्रमक ढंगले सञ्चालन गर्न दुबै तहको बैठकबाट थप निर्णय गरेर अघि बढ्ने उपाध्यक्ष ज्ञवालीले बताए । एमालेले स्थानीय तथा त्यसपछिकाे प्रतिनिधि सभा निर्वाचनमा कुनै दलसँग गठबन्धन गरेर नजाने स्पष्ट पारिसकेकाे छ ।
0 प्रतिकृया