काठमाडौं, १४ असार । वामदेव गौतम नेतृत्वमा नयाँ राजनीतिक दल ‘नेकपा राष्ट्रिय एकता पार्टी’ घोषणा गरेका छन् । काठमाडौंमा मंगलबार पत्रकार सम्मेलन गरेर सो पार्टीको घोषणा गरिएको हो ।

साविक नेकपामा अन्तर्द्वन्द्व चर्किएपछि नेकपा राष्ट्रिय एकता अभियान सुरु गरिएको र पछि सर्वाेच्च अदालतबाट एमाले र माओवादी केन्द्र ब्यूँतिएपछि अगाडि बढेको अभियानलाई अहिले दलको रुपमा आएको पत्रकार सम्मेलनमा जानकारी दिइयो ।

वामदेव गौतम नेतृत्वमा नयाँ राजनीतिक दल ‘नेकपा राष्ट्रिय एकता पार्टी’ घोषणा गरेका छन् । काठमाडौंमा मंगलबार पत्रकार सम्मेलन गरेर सो पार्टीको घोषणा गरिएको हो ।

सो पार्टीको केन्द्रीय कमिटी ७५ सदस्य, १५ सदस्यबाट नबढ्ने गरी स्थायी कमिटी रहने केन्द्रीय सदस्य निमकान्त पाण्डेले जानकारी दिए । उनकाअनुसार पार्टी बहुपदीय प्रणाली रहनेछ ।

केन्द्रीय कार्यसमितिमा एक अध्यक्ष, प्रत्येक प्रदेशको ईञ्चार्जको जिम्मेवारी बहन गर्नेगरी सात उपाध्यक्ष, संगठनात्मक जिम्मेवारी पूरा गर्नेगरी एक महासचिव, एक उपमहासचिव, एक कोषाध्यक्ष र एक सचिव रहने गरी व्यवस्था गरिएको पाण्डेले जानकारी दिए ।

साे क्रममा गौतमले आफूसँग अब जीवनको धेरै लामो समय नभएको ज्ञात भएको बताएका छन् । उनले आफूलाई मृत्युको बोध पनि भएकोले बाँकी जीवन पनि विगतमा जस्तै देश र जनताको हितमा समर्पित गराउने बताए ।

आज पार्टी घोषणा कार्यक्रममा गौतमले भने, ‘म अब कति नै बाँच्छु । जन्मेपछि मृत्यु हुन्छ यो बुझेको छु ।’ उनले कम्युनिस्ट एकतामा जोड दिए ।