काठमाडौं, १२ भदौ । नेकपा एमालेको निर्वाचन परिचालन कमिटीको बैठक आज बस्दैछ । केन्द्रिय कार्यालय, च्यासलमा बिहान ११ बजे बस्ने बैठक ४ मंसिरमा हुन गईरहेको प्रतिनिधि सभा र प्रदेश सभा चुनावमा केन्द्रित हुनेछ ।

अध्यक्ष केपी शर्मा ओलीको अध्यक्षतामा गठित कमिटीमा केन्द्रीय कमिटीका सदस्यहरु, केन्द्रीय निकाय पदाधिकारीहरु, प्रदेश कमिटीका अध्यक्षहरू, जनसंगठनका अध्यक्ष र महासचिवहरू र पार्टीका केन्द्रीय विभागका सचिवहरु सदस्य सो बैठकमा सहभागी हुनेछन् ।

यसअघि शनिबार सम्पन्न पार्टीकाे केन्द्रीय कमिटीकाे बैठकले मंसिर ४ गतेकाे आम निर्वाचनमा पार्टी अध्यक्ष केपी शर्मा ओलीलाई भावी प्रधानमन्त्रीका रूपमा उभ्याउँदै निर्वाचनमा जाने निर्णय गरेकाे थियाे ।