काठमाडौं, ९ पुस । स्वास्थ्य तथा जनसंख्या मन्त्रालयले छिमेकी देशहरूमा कोभिड–१९ को नयाँ भेरियन्ट बीएफ.७ संक्रमण बढी रहेको र खुला सीमाका कारण नेपालमा पनि जोखिम रहे सजग रहन सर्वसाधारणलाई आग्रह गरेको छ ।

शनिवार एक विज्ञप्ति जारी गर्दै मन्त्रालयले भनेको छ, ‘ छिमेकी राष्ट्रहरूमा कोभिड–१९ को नयाँ भेरीयन्टको संक्रमण दर दिनानुदिन वृद्धि हुँदै गएको छ । तर, नयाँ भेरियन्ट हालसम्म पुष्टि भएको छैन । यद्यपि, खुला सीमाना एवं आवतजावतका कारण नेपालमा पनि संक्रमणको जोखिम रहेको हुँदा यसको रोकथाम एवं नियन्त्रणका लागि आम जनसमुदाय सजग एवं सचेत हुन जरूरी छ ।’

मन्त्रालयले यसकाे पहिचान, राेकथाम र नियन्त्रण तथा उपचार व्यवस्थापनका लागि सिमा नाका र अन्तराष्ट्रिय विमानस्थलहरूबाट नेपाल भित्रने यात्रुहरूकाे ज्वराे नाप्ने, शंकास्पद व्यक्तिहरूकाे एन्टिजेन टेस्ट र जिन सिक्वेन्सिङ गर्ने कार्य गर्नुपर्ने पनि बताएकाे छ ।