बाली, १३ पुस । दर्जनौं रोहिंग्या शरणार्थीहरू बिग्रिएको इन्जिन भएको काठको डुंगामा पश्चिमी इन्डोनेसियाको समुद्र तटमा पुगेका स्थानीय अधिकारीहरूले बताएका छन् । समुद्रमा एक महिना बिताएपछि उनीहरू भोकै र कमजोर भइसकेका छन् । कम्तिमा तीन जनालाई अस्पताल लगिएको थियो ।

बिबीसीका अनुसार उनीहरू हप्तौंअघि समुद्रमा अलपत्रमा परेका कम्तीमा १५० रोहिंग्याहरूको समूहको हिस्सा हुन् वा होइनन् भन्ने प्रष्ट हुन बाँकी छ । रोहिंग्याहरू म्यानमार (बर्मा) मा आफ्नो मूल घरमा पीडित बनेका जातीय अल्पसंख्यक हुन् ।

५७ जना मानिस सवार काठको डुंगा आइतबार बिहान आचे प्रान्तमा अवतरण भएको स्थानीय प्रहरी प्रवक्ता विनार्डीले बताए । ‘डुङ्गाको इन्जिन बिग्रिएको थियो र यसलाई हावाले आचे बेसार जिल्लाको लाडोङ गाउँको किनारमा पुर्यायाे’, प्रवक्ताले भने ।

‘उनीहरूले भने कि उनीहरू एक महिनादेखि समुद्रमा बगिरहेका छन्’, एक स्थानीय अध्यागमन अधिकारीले भने । शरणार्थीहरूलाई अस्थायी रूपमा सरकारी सुविधामा राखिने उनले जानकारी दिए ।

अन्य सञ्चारमाध्यमका अनुसार ५८ जना पुरुष आचे पुगेका छन् । आप्रवासीले कहाँबाट डुंगा तैरेका थिए भन्ने तत्काल जानकारीमा आएको छैन, यद्यपि अधिकांश शरणार्थी १२०० माइलको दूरीमा रहेको बंगलादेशका विभिन्न शिविरमा बस्छन् ।