काठमाडौं, २७ असार । सोमबारदेखि सुरु भएको नेपाली कांग्रेस केन्द्रीय कार्यसमितिको बैठक आज मंगलबार पनि बस्दैछ । केन्द्रीय कार्यसमितिको बैठक पार्टी मुख्यालय सानेपामा दिउँसो १ बजे बाट बस्नेछ ।

सोमबारको बैठकमा स्थानीय निर्वाचन परिचालन समिति र प्रचारप्रसार समितिको प्रतिवेदन पेस गरिएको थियाे । बैठकको पहिलो दिन सातवटै प्रदेशका पार्टी सभापतिले आ–आफ्नो क्षेत्रको रिपोर्टिङ गर्नुका साथै धारणा राखेका थिए ।

बैठकमा कांग्रेस नेता डा. शेखर काेइरालाले १२ बुँदामा सरकार सञ्चालन र पार्टी सञ्चालनमा सभापति शेरबहादुर देउवाले एकलाैटी कार्यशैली अपनाएकाे भन्दै आलाेचना गरेका थिए । डा. शेखरले स्थानीय तहकाे निर्वाचनमा तालमेलले कांग्रेसकाे सिट संख्या बढेतापनि पार्टीकाे विचार र सिद्धान्त तथा तमाम् कार्यकर्ताकाे मनाेभावना नबुझेकाे, पार्टीका भातृ संस्थाहरू गठनमा एकलाैटी गरेकाे लगायतका विषयमा आलाेचना गरेका थिए ।

आजकाे बैठकमा भातृ तथा शुभेच्छुक संस्थालाई पूर्णता दिने, विभाग गठन लगायत विविध अजेण्डामा पार्टी केन्द्रीय कार्यसमितिको बैठकमा छलफल हुने एक केन्द्रीय कार्यसमिति सदस्यले एक्सन खबरसँग भने ।

केन्द्रीय कार्यसमितिको बैठकमा केन्द्रीय सदस्यहरूलाई बोल्नका लागि ७ मिनेटको समय छुट्टाइएको छ ।

याे पनी हेर्नुहाेस्

‘ओलीकाे असंवैधानिक कदमलाई निरन्तरता दिन खोजेको हो ?’